ყველა დიდი ცვლილება იწყება პატარა ნაბიჯით. ის, რომ ამ წიგნაკს ფურცლავ, უკვე იმის მანიშნებელია, რომ მზად ხარ შენი ცხოვრების ახალი ფურცლიდან დაწყებისთვის.

ReNote შეიქმნა იმისთვის, რომ დაგეხმაროს კომფორტის ზონიდან გამოსვლაში და იმ ცხოვრების აწყობაში, რომელიც ნამდვილად გსურს. ეს არ არის უბრალო დღიური ან გეგმების რვეული – ეს არის შენი პირადი გზამკვლევი ტრანსფორმაციისკენ.

21 დღე – სწორედ ამდენი დრო სჭირდება ახალი ჩვევის ჩამოყალიბებას.

ReNote-ის 21-დღიანი პრაქტიკები გაძლევს კონკრეტულ ინსტრუმენტებს,

რომლებიც დაგეხმარება:

• შენი დაბრკოლებების იდენტიფიცირებაში;
• მიზნების სწორად დასახვაში;
• სტრატეგიული გეგმის შემუშავებაში;
• ყოველდღიური მოქმედებების დაგეგმვაში;
• პროგრესის თვითკონტროლში;
• მოტივაციის შენარჩუნებაში;
• რეფლექსიის პროცესში.

  ამ წიგნაკში შეხვდები მრავალფეროვან მიდგომებს:

  Dilts პირამიდას, SWOT ანალიზს, SMART მიზნებს, მიზნების ბორბალს და სხვა პრაქტიკულ ინსტრუმენტებს. აქ იპოვი ცვლილებების ხეს, რომლის გაფერადებაც შენი პროგრესის ვიზუალიზაციაში დაგეხმარება, და ემოციების პალიტრას, რომელიც საშუალებას მოგცემს დააკვირდე შენს შინაგან მდგომარეობას.

  გახსოვდეს, რომ ReNote მხოლოდ გზამკვლევია – ნამდვილი ცვლილების ძალა შენშია. ყოველი გაფერადებული ფოთოლი შენი ცვლილებების ხეზე, ყოველი ჩანაწერი ემოციების პალიტრაში და ყოველი შესრულებული სავარჯიშო არის ნაბიჯი ახალი, უკეთესი ცხოვრებისკენ.

  მოდი, ერთად დავიწყოთ ეს მოგზაურობა. დღეიდან შენ იწყებ შენი ცხოვრების სცენარის დაწერას – ისეთს, რომლის წაკითხვაც მომავალში სიამაყით აგავსებს.